اشتقت لي وإلا تعودت فرقاي
محتاج لي فعلاً كما حاجتي فيك
عطني علومك يا حدودي ومنفاي
بالحيل عطشان لكلامك وظاميك
أبا أسألك قبل انطق بحر شكواي
وشلون مرّت في غيابي لياليك
عندي شعور انك بعهدي ورجواي
عهدٍ قطعته لي من ايامنا ذيك
يمناك خلت لي دفاها بيمناي
وانفاسك الحرى تسابق رجاويك
ساعة تفارقنا على وعدنا الجاي
مادار في بالي بتبعد خطاويك
خليتني ضايع وما قرلي راي
أبيك وان يطري تناسيك ما بيك
واليوم عودت وضحك لاجلك الناي
من بعد ما كانت لحونه تبكيك
ياشمس صبحي ونجم ليلي وقمراي
محتاج لك فعلاً عسى الله يخليك
