باسم أمير القصيمي رجل عزوم وكريمي يا مرحبا الف ترحيب والنايب اللي يهلي واهل القصيم وهللي يا مرحبا الف ترحيب الليلة أحلى الليالي جانا كريم السبالي راع الكرم والمواجيب لنا حكومة رشيدة تمشي على ارياً سديدة ما تخطي الراي وتصيب نمشي بحكمة فهدنا هو درعنا هو سعدنا اللي يصفي المشاريب وعبدالله الله يعزه يمشي بعز ومعزة دايم قوي المضاريب وان قيل سلطان سلطان هذاك والله كحيلان اللي يسد المطاليب والله ونعم القيادة يستاهلون السيادة والله ونعم المعازيب واليوم حرت وتفكرت من كثر ما اسمع تحيرت تضيع كل التحاسيب الشر زاد وتكبر كل بكيفه يعبر كل يهز المشاعيب قالولي ارهاب وارهاب وكل يقول عذر واسباب والله يعلم وش الغيب قلت اهل الحق حنا من زارنا في وطنا يلقى العدل والتراحيب ومن شذ محدٍ درابه والنار تاكل ثيابه ما هو بكاسب مكاسيب نمشي بسنه وقران من دون زودٍ ونقصان مافيه شك ولاريب بقيادة إخوان نورة مافيه لفة ودورة الا بحق وترتيب وجيتك لفته كريمه لاهل القصيم وغنيمه تفتح مشاريع وتجيب تمسح دموع المساكين وتعز ناس عزيزين يمناً بها الخير والطيب كم واحد جاك محتاج من ضيقته صار بافراج حلال كل المصاعيب كرمك عم الجزيرة مذكور في كل ديرة ياسيد العز والطيب لوإن حاتم درابك هون ولاذ بجانبك خلى الكرم والمناصيب واتلى الكلام اسمحوا لي ان جا قصور بقولي واختم كلامي بترحيب |
سالم بن حيلان الوهبي / القصيم- عقلة الصقور
| 
