مرحباً ترحيبةٍ تشفي القلب المريض
يا هلا يا سيدي يوم شرفت الرياض
سيدي نايف وجزل المعاني له تفيض
من مشاعر شاعرٍ بالمعاني يوم هاض
رجعتك للدار فرحه وبالخط العريض
مرحباً ترحيبةٍ عطرها زهر الفياض
لك محبة شعب مالك بها قلب بغيض
كلهم لك طوع واخلاص مافيه اعتراض
الولا لك والغلا يا سيدي ماله نقيض
طيبك اللي زارع إلك محبة وافتراض
رايتك بيضاء بفعل الوفاء وإيديك بيض
بالمكارم وجهك ابيض ويزهاه البياض
انت غيث الشعب والجود من جودك يفيض
فيض جودك كالنهر سلسبيل ما يغاض
يا أمير الامن والشعب في ظلك حضيض
الوطن بجهودكم في شموخٍ وانتهاض
ياحكيم الراي الاريا برايك ما تعيض
تحسم الموقف ليا صار بالراي انتقاض
ما تهزك ردة الفعل والعجله تريض
في المواقيف الصعيبه تورّدها الحياض
لطمتك تعمي وقلبك على الاعداء غليض
احدثت بقلوب الاخصام خوفاً وانقباض
مرحبا ترحيبةٍ تشفي القلب المريض
يا هلا يا سيدي يوم شرّفت الرياض
