قلبٍ يودك يا هوى البال تجفاه
ليه العناء يا صاحبي والتجافي
ان كان تجفى من يودك وتنساه
ما أتعبت نفسي والقلم والقوافي
القلب يعشق من يحبه ويهواه
ليتك معي يا نور الأعيان تافي
راع الوفا نور الوفا في محياه
مثل القمر نوره على الكون ضافي
شوفك ربيع الروح بُعدك معاناه
حلمي دفنته وأصبح اليوم خافي
أعيش بالدنيا على غير مشهاه
من بعد ما حسيت فيك اختلافي
يا قلب خله وابتعد لا ترجاه
اللي حصل من نور الأعيان كافي
