تهيّض ضميري يوم غنا حمام الدوح
طرالي وليف دونه الخوف حاديني
جاوبت الحمام بصوتي العالي المبحوح
مواويل عصريه جرت بينه وبيني
سمعته طروق الشعر ماله بها مصلوح
مجارير اغنيها ومسحوب وهجيني
حمامٍ بصوته حرك الخافق المجروح
ولولا الحيا دمعي ذرفته من العيني
الا يا عيون اللي تنهض يشوف اللوح
يلوح له الصقار ويصيح يا رديني
فرخ حر اشقر ماله الا شهر مطروح
جلال الكراع افجع هجر كامل الزيني
ويا عنز ريمٍ تسمع الرمي باقصى الصوح
تلفت توكد مصدر الرمي من ويني
وجودي على قربك ولا ماك يا لملوح
وجود الكسير اللي ربوعه مقفيني
عن النوم عيني كن فيها سقط ذرنوح
تعاف المنام وكن صورتك بيديني
وقلبي عليه الهم دايم يجي ويروح
تعنيت يالله طالبك لا تعنيني
ولاني بميس منك باب الرجا مفتوح
يجيني بك الله يا عذاب المزاييني
وانا معاهدٍ ربي بسر الغضى ما بوح
شعارٍ سبقني فيه كل المحبيني
