وصلّي لي سلامي يانجوم الليل
وصليه الْ هوى بالي وغربالي
ودي احطك اليه يالنجوم إميل
توصلين الرسايل سمح الاقبالي
اذكره كل ماشوف الجدي وسهيل
وكل ماشفت طيرٍ بالسماء العالي
واذكره كل ماشوف الغصون تميل
من هبوبٍ هواها من القتَر خالي
واحدٍ منه قلبي فيه حط وشيل
واصلٍ همه من الجال للجالي
عود موزٍ نبت في جال نهر النيل
لينٍ عوده ان هب الهوى مالي
حط له بالضماير مزرعه ونخيل
غرسها بالضمير الوان واشكالي
ليته داره قريبه ماتعدّى ميل
آصله كل ما يطري على بالي
مار داره على بعيدةٍ بالحيل
ما قدر احسب لكنك ميات الاميالي
جعل وادي عفيف وعبلته للسيل
حيث فيها لغض العود منزالي
عشت فيها صبايه مع صغار الجيل
ومرت ايام حلوه مالها امثالي
مايدوم الفرح والمدح والتبجيل
كل شيٍ له مده وينزالي
