يقول ابن عياد وان بات ليله
ما نيب مسكين همومه تشايله
أنا ليا ضاقت عليه تفرجت
يرزقني اللي ما تعدد فضايله
يرزقني رزاق الحيايا بجحرها
لا خايلت برق ولا هيب حايله
ترى رزق غيري ياملا ما ينولني
ورزقي يجي لو كل حي يحايله
جميع ما حشنا ندور به الثنا
وما راح منا عاضنا الله بدايله
نوب نحوش الفود من ديرة العدا
ونخزز اللي ذاهبات عدايله
خز بالايدي ما دفعنا به الثمن
ثمنها الدمى بمطارد الخيل سايله
مع لابة فرسان ننطح بها العدا
كم طامعٍ جانا غنمنا زمايله
نكسب بهم عز وننزل بهم خطر
ولا هيب من قفر رعينا مسايله
