ابلج صباح الرياض وزان خاطرها
ولبست ثياب الفرح في يوم الافراحي
والعود قام يتصاعد من مجامرها
طيب يخلي عليل القلب يرتاحي
قولة رجع للوطن كلٍ تباشرها
من يوم شفناه وان الهم منزاحي
بقدوم نايف سحابة.. خير ماطرها
من مزنة برقها بالحيل لواحي
شيخ الشيوخ الذي بالعسر يجبرها
اللي بنا المجد حصن فوق ما طاحي
هو راعي الامن حامينا مخاطرها
اللي بوجه المعادي سم ذحاحي
كل الجزيرة بواردها وصادرها
تشعر لابو سعود درع الامن ووشاحي
يالله ياللي جميع الارض عامرها
ياللي عطيتك ماهي مدة اشحاحي
تحفظ لنا نايف الكلمة وآمرها
وتكتب حياته سعادة فوق الالواحي
