من فضل ربي عاد نايف على خير
عسى السعادة في حياته ودنياه
عم الفرح كل الوطن والتباشير
واستبشرت كل المناطق بملفاه
فرحة كبيرة فوق كل التعابير
بسلامة اللي دائم العز مبداه
أميرنا اللي كاد كل الطوابير
أمن وأمان بداخل الشعب نلقاه
يحكم بعدل وكل شيٍ بتيسير
يشيل سيف العدل دائم بيمناه
يعطف على القاصر بحشمة وتقدير
ودائم عريب الجد جزله عطاياه
ويجري على الظالم عقوبة وتخسير
كل الفعول الواضحة من مزاياه
خدم بلاده في الليال المعاسير
حتى أن ساد الأمن بالدار وأرجاه
واليوم في ظل الرجال المناعير
نرقد بأمان وطبعاً الخوف نسناه
وانا احمد الله عاد نايف على خير
هذا الذي حنا نريده ونبغاه
بشاية الرحمن تجلى العواثير
والله يديمك ياذرا كل من جاه
