ازهرت في شوفتك كل الغصون
والشجر من فرحته زاد اخضرار
جيت يا نايف وشافتك العيون
وابتهجنا من عقب طول انتظار
يا هلا بك يا ذرا كل مغبون
يا هلا والف هلا يا بن الحرار
يا سديد الراي يالذرب الحنون
يا أميرٍ فيه مع حزمه وقار
يا أمير في قدومه يفرحون
الرجال اللي على الديره تغار
الرجال اللي تموت وما تخون
ولا تبيع بمال قارون الديار
يسهرون الليل بأمرك يسهرون
همهم من همنا سر وجهار
ما تضيق صدورهم لو يقعدون
في حماية هالوطن ليل ونهار
من زرع فينا الوفا لا تسألون
ديننا اللي فيه معنى الانتصار
ديننا اللي شرّعه رب يصون
ويحفظ من عين حاسدنا العمار
