هل الفرح بقدوم نايف لداره
والكل رحب في قدومه وحياه
كل على شوفه يسوق البشاره
الشعب عزه في رجوعه ولقياه
على دروب المجد شيد مساره
المجد هو نايف.. تبناه بصباه
أبو سعود اللي كبير وقاره
وأبو الضعيف اللي عن الظلم ينصاه
تبذل يمينه ما درت به يساره
جزل العطايا ما تعدد مزاياه
سديد راي وحازم في قراره
في خدمة الاسلام يرخص لدنياه
في غيبته كلٍّ يتابع اخباره
والشعب كله رافع يديه لله
يطلب من المولى يرده لداره
سالم وغانم.. والفرح يوم لقياه
