الحمد للي عاد نايف لنا بخير
والشكر لله زال شره وطايب
سقنا على شوفة سموه تباشير
واسترت عيون الجزيرة بغايب
عم الفرح واعشوشبن التعابير
حلو النسايم رافقن الهبايب
ربي يجيرك عن سبب كل تعكير
ياسيف نجد بحاميات النوايب
لك في محانينا.. معزة وتقدير
وأكثر غلا من عيالنا والقرايب
محبتك فاقت جميع التفاسير
لاكثرت الاريا.. لك الرأي صايب
يا أمير وجهات النظر كلها غير
لك نظرةٍ بكبار سود النشايب
حتى تساوت بالنسب والمعايير
وتشابهت من عقب ما هي غرايب
من ما يأثر ما ترك أي تأثير
فعل المسبب مرتبط بالسبايب
بالضبط فاهم كل ما بالتصاوير
تدرك وش اللي مقبل الوقت جايب
لا طبت نصبح لليدي كلنا بخير
وأنا أحمد اللي ردك اليوم طايب
