دخيل الرمش لا منه شرب من صافي الدمعه
يوافق ثغرك الباسم ولو سالت دموع العين
جروح القلب من سبتك يالمزيون مجتمعه
تمادى في نزيف الدم الأحمر وانت عنها وين
هواك اشعل تحت حدب الضلوع بخافقي شمعه
يصالي حرها قلب مشالك كل دربٍ زين
ولا يبغاك غير انسان لك قيمه ولك سمعه
تحاكي قلب محبوبك ولا تلعب على الحبلين
تخيل المزنه اللي بالسمى لبروقها لمعه
تمشيها على مطلب هواك يسار والا يمين
غرامك لغز يا صعبه عسى ما تخطي الرمعه
يجيني بعد طول الجذب دلوٍ ما بها الا طين
وانا راحت بي أمواج الهوى ما عاد لي طمعه
عسى رحلة غرامي تنزل بشاطيك قل آمين
