يا عين لا تشقين والزين مرتاح
لا تسهرين وصاحبي ما درى بي
أقولها يا عين بلسان الافصاح
ما والله أشقى بالذي ما اشتقى بي
من عادتي ترك المقفي ليا راح
لا أطرد وراه ولا أحسب له حسابي
ولا أصدق مع اللي حبهم ضحك ومزاح
لو حاولوا غدري بحلو الجوابي
أصدق مع اللي بالغلاء ينصح إنصاح
غرو بلاني بالهوى وابتلابي
إن غبت محجر مدمعه بالبكاء فاح
وان غاب ضاقت من غيابه ثيابي
يحش معلاق الحشاء حش فلاح
لعروق جذعٍ ناشبٍ بالترابي
الضيق عاد لخاطري عقب ما انزاح
من لحظة فراقه بدالي عذابي
تسري نجوم الليل والشوف ينباح
وعيني لها من دون نومي حجابي
أسهر وأعاني من عطيبات الأجراح
وأقنب من الفرقا قنيب الذيابي
غاب الغضي وبوصله أيامه أشحاح
وأعذرت في الدنيا وأنا في شبابي
وش حيلة ابن آدم بحظه ليا طاح
يصبر لحكم الله ويلقى ثوابي
