حنين.. وليلة ظلماء.. وبرد .. وموعد مهجور
وصمت.. عانق ارجاء المكان.. وشتت أفكاري
أطالع للقمر.. للدرب .. لخطوة ساعتي للسور
أحاول أمسك أعصاب الصبر.. وجامل اقداري
زعل..؟؟ كانه زعل مني الاسف ويا الندم منثور
على صدره عسى خفقه فؤاده .. تقبل أعذاري
أنا واللي خلقني.. ما قصدت أزعل شبيه الحور
ولكن.. ما حصل زلة عزيز.. عزه الباري
ابد ماهيب من طبعي.. انا بالمرجله مشهور
وأنا لا عودت .. يم المراجل.. ترتفع ناري
طلبتك يا لمها لا تظلمين .. الخافق المقهور
ترى حكم الزمان أقوى.. من ادروبك ومشواري
تعالي.. كان لي عندك.. بقايا يا مهاة النور
تعالي.. أو تراني بعلن احدادك على داري
