ما ودي أوصفك بقصيدي ولا اطريك
من خوفي الناس اتحسدني محبتك
ما غير ألمّحْ بالمعاني وأخبيك
في قلبي المغرم بصوتك وضحكتك
يا نور عيني.. فرحتي وين أوديك
تقتلني الغيرة من أقرب قرابتك
كل العيون اللي تناظر شبابيك
ياليت أقفلها واجاهر بشوفتك
ما شفت غيرك في صفاتك يجاريك
صمتك كلامك وابتسامك ونظرتك
وسمو تفكيرك بعيني يعلّيك
صراحتك ذوقك عنادك وطيبتك
أحلى سنيني منك وعشتها فيك
واطول ثواني كانت بوقت غيبتك
عن كل مخلوق ولو عز ابديك
وانت المدلل من غلاك ومودتك
هذا وانا كلي وله يا محاكيك
صدق الشعور يفوح عطره بحضرتك
