إن جيتني مشتاق يا مرحباً بك
وان غبت عني بكتبك في قصيده
فيها حروف نابعة من غيابك
تشكي ليال الشوق قصة جديده
وينك عسى دنياك تعطي جنابك
مشاعر فيها معاني فريدة
بعدك جرحني لا تعذب مصابك
وأنت الدوا والجرح وأيام عيده
لأجلك رضيت الهم وأرضى عذابك
ولأجلك أسافر في مواني بعيده
ولأجل الغلا مجبورٍ أتبع سرابك
أمشي معك وأرجي ليال سعيدة
ليت الغلا والشوق يروي ترابك
ليتك تحس بشوق بعدك يزيده
مشتاق لك مشتاق والله هلا بك
يكفي من الأشواق حرف القصيده
