لا تحسبيني مثل غيري من الناس
اللي صداقات المصالح هدفها
راعي المصالح عشرته مالها ساس
يومين وإلا يوم ثم تكتشفها
طبع البشر أشكال ولوان وأجناس
قبل التجارب مستحيل تعرفها
هذي مشاعر شخص مرهف وحساس
صداقته ما للمصالح نسفها
نفسه عزيزة ما مشت درب الأدناس
تموت ما يفني معزة شرفها
هذي صفاتي واضحه فوق قرطاس
ومن حقك اطبوعي لشخصك نصفها
أبحرت في حبك ولانيب غطاس
تغربلت نفسي محيطك جرفها
ماني مخادع عشرتي لك تنوماس
هذي حياتي واسألي من عرفها
