باسم الذي نزل تبارك وياسين
سامع دبيب النمل بالليل الأظلم
اللي نصب حكمه بعدل الموازين
واللي على المبعوث صلى وسلم
ومن عقب ذكر الله طلبت الشهيدين
العقل والعينين والسمع والفم
وشهدوا برب البيت ورب المصلين
وقالوا نوقع بالشهادة ونبصم
على أبو خالد والبرايا شهيدين
حتى الحجر يشهد معي لو تكلم
على إن مثله ما بعد شفت بالعين
لو الذي قدر من الطين آدم
طير السعد يمشي معه وين لاوين
وختم الشرف بين الحجاجين يختم
ولا طال ليلي وأصبح الليل ليلين
وقامت اهمومي فوق قلبي تحرجم
لا شفت وجهك يا بو خالد يسلين
لا لاح لي وجه السعد أبعد الهم
سلطان لا ضاعت اعقول المشيرين
رايه ابراسه لا بغى لازم تم
ولولا اليتامى وأخوة لي عزيزين
من دون عرض باعو الروح والدم
جيتك يا بو خالد وعفت المحبين
والدار والجيران والخال والعم
ونسكن جوارك يا سنام السلاطين
من حشمتك يا طير حوران نحشم
ربعي رجالك جاهزين عزومين
اظرب بهم بالعرض والطول والكم
إن جيت تطلبهم تراهم امطيعين
وإن قلت تامرهم فقالوا لكم تم
وأن صرت في عز فحنا عزيزين
وإن صرت في هم فهمك لنا هم
ما يختلف يا شيخ في حبك اثنين
اللي سكت واللي بحبك تكلم
يا مرقب يضوي عليه البعيدين
كم راس حيد قبل راسه تحطم
يالبحر الأحمر فوق سطحه ملايين
راكب وسباح وغايص وعايم
والسفن وأهل الصيد رايح وغادين
والموج يزمي ما نشد فوقها كم
هداج تيما والمساقي كثيرين
هذا شرب غرف وهذا شرب جم
أو مزنة في بارق يسرق العين
شغيته تمشي وواديه يلطم
ويا طير صقار كفخ بالجناحين
عدل المناكب ينشر الريش والدم
عزيمتك خلت رجالك عزومين
من شاف عزمك قام غصب وتعزم
ورجولتك تكشف وجيه البغيضين
وتشوف باطن زلته لو تلثم
وشجاعتك بين الثنين المسمين
الرمح هو والسيف عم وابن عم
وتاصل بيوم الخوف دار المخيفين
لا راغت الأذهان مثلك تقدم
ولا زرت لك ديرة بيوم ويومين
المدن كله ترتجي لو تقدم
وتلبس لك البلدان لبس المزايين
وكله ابو جهك يا بو خالد تبسم
وكم واحد قلبه غدا ألفين وألفين
يصبح على هم ويمسي على غم
وعند أبو خالد عاش بين العزيزين
واصبح عقب ذله عزيز امكرم
وكم واحد بين الغنم والبعارين
ممشاه حافي والصلاة ايتيمم
وجاء عندكم في ماكر للشياهيين
وشاف الفضى من عقب ما ليله أظلم
أبو اليتامى والعدم والمساكين
وطلابة الشرهات والبكم والصم
وعساك تسلم يا ربيع الضعيفين
في حفظ ربٍ للخفيات يعلم
ومني سلام عد وفد الملبين
أو عد ما وردو على عين زمزم
