خله يطوف القطار ان كان ما اركبني
في رحلة العمر مع من طاف من شاني
عاتب ظروفٍ حدتني لا تعاتبني
يا انسان انا انسان أراعي خاطر انساني
شخصٍ بساطي سهوم الحب صايبني
يمون لا صار يأمرني وينهاني
شربت حبه وهو بالحب شاربني
في روضة البيض ما احدٍ غيره اغراني
لا غاب له يوم قلت الهجر عذبني
وشلون لو عاد طولها ولا جاني
يا عاذلي لا بغيت تلوم جنبني
لا تحسب اني على ما فات ندماني
اما فرحت بنهارٍ منه قربني
او عشت باقي سنين العمر وحداني
ما فيه غيره بكل الكون معجبني
وانظار خلق الاله اشكال وألواني
ما دام حبه بريضان الحشا مبني
حلفت ما ابدّله في واحدٍ ثاني
