سرى البارق اللي روس مزنه تنصت غال
على هجره ابن سنون وأدنى الشبيكيه
على شان «حصة» جعل يسقيهم الوبال
وإلى عودت.. مالي ومال الحبرديه؟!
الا ياعيون اللي مواكيرها بالخال
توايق رقايب نجد.. ماهيب بحريه
إلى نقضت شقر على ردفها ميال
تخابط سبلهنه مطارق شريطيه
كما ذيل شقرا شعشعت في يد الزمال
تغانم ملز الشيوخ يبغى الكراميه
جوابه لبن عرب بعد ما أطرحن.. بهال
تدلن علي «حليث» مع درب وسميه
تتل الضماير تل غرب علي محال
تصافق بها الجيلان ملحاً جماليه
يرفع لها صوته صبي خبيث اعمال
يروى ودي فيه تسعين برحيه
ترى تبعه المقفين عيب على الرجال
ولكن أوسع خاطرٍ بذ خافيه
