اذرفي دمع المحاجر واعزفي لحن الرحيل
واتركيني بين هم وبين خوف وبين ضيقه
انسي سنين الغرام وقصة الحب الطويل
واستعدي للمفارق كان لك قلب يطيقه
الحقي زهرة شبابك واصبري صبر جميل
مالك ومالي تنحي والفرح شوفي طريقه
ادري ان البعد صعب وخافق العاشق عليل
لكن ظروف الزمان تقيد الوصل وتعيقه
والوصال اللي قريته في كتاب المستحيل
حلم ليل مر بالعينين واعجبها بريقه
اغسليه بدمع عينك والحفيه من الجديل
واقبلي فيه التعازي كان تبغين الحقيقه
