يا جود لو تدرين وش كثر أودك
وش أكثر أود أبوك مع عمك سعود
يا جود يوم أضحك فأضمك وأهدك
وأخفي شعورٍ داخلي ما له حدود
يا جود يا زينٍ أشوفه بخدك
يا فرحة في خاطري ما لها حدود
يا للي جمعتي الزين مع طيب جدك
الله يحفظك للحنونين ياجود
ياجود من حلو الأماني نعدك
يحفظك من في رحمته يخضر العود
يا بنيتي يصعب على القلب بعدك
عسى حياتك دايم سهود ومهود
فرحت «جلاجل» فيك زود على أهلك
وشاع الفرح بسدير زودٍ على زود
فز «الخليفي» مع بشيرٍ نده لك
وأرضٍ «الصبيخة» أزهرت روض وورود
وأحمدك يا ربي ولا أوفيت حمدك
على النعم منك الرضا نطلبه زود
