الحمد للمولى عزيز الجلالي
والشكر له خلاق كل البريه
الواحد المعبود مرسي الجبالي
اللي يعرف البينه والخفيه
يا الله يا المطلوب ياخير والي
تحفظ لنا شيخ علومه نقيه
تحفظ أبو فيصل كريم الخصالي
خادم بيوت الله راعي الحميه
اللي بشرعك ما يعرف الفصالي
ماشي على سنتك في حسن نيه
سلامتك يا شيخ في كل حالي
سلامة عيونك عساها هنيه
والله يجيرك من صدوف الليالي
والله يجنبك المرض والاذيه
والله يردك للوطن.. دوم غالي
رجعتك يا مولاي أكبر هديه
لك في قلوب الناس حب خيالي
خليت شعبك في حياة شليه
ياناس شيلوا كفوفكم فوق عالي
وادعو لابو فيصل كريم السجيه
عساه في الدنيا على خير فالي
في خدمة الإسلام منهج نبيه
هذا الذي بالعلم درس عيالي
وارى اساس الأمن في الداخليه
والعهد شاله سيدي بامتثالي
والمُلك شاله في كفوف نديه
قاد السفينه ما تزعزع ومالي
صرنا بفضل الله دوله غنيه
صاغ الخطط في كل جال ومجالي
وأسس مشاريعٍ كبيرة وحيه
هذا فهدنا من خيار الرجالي
نفديه بالأرواح منا عطيه
من راس عود شال حمل الثقالي
وأسس قواعد دولته بالمنيه
يسوق عمره للخطر والقتالي
بالسيف الأملح والفرس والمطيه
عبدالعزيز اللي يفك الشكالي
حلال نشبات العقود القويه
أنا أشهد انه جاب نعم العيالي
شالوا الأمانه كلهم بالسويه
يالله طلبتك يا محقق سوالي
تجزيه بالجنات خير الجزيه
واحفظ لنا يارب فهد الوصالي
اللي يحل المشكله والقضيه
اللي يشيل المر ويحط حالي
ويهني اللي بات عينه شقيه
عطاه ربي حكمته باعتدالي
وعطاه ربي يا عرب جاذبيه
تركز لك البيضا بروس الجبالي
يا رافع الأسلام روحك زكيه
وارجو السموحه كان قصر مقالي
باقي وصوفٍ في جنابك خفيه
وصلاة ربي عد حب الرمالي
على نبي خصنا بالوصيه
