يا الله يا للي بالشديدات ننصاك
يا واحد كل الملا تلتجي به
يا الله أنا راجيك من جود حسناك
حيث أن كل إنسان يلقي نصيبه
يا الله تكرمنا العفو عند ملقاك
تمدنا بالصبر عند المصيبه
نسير بأمرك ونتوقف بمنهاك
والموت حق وكلنا ننتهي به
يا ابو فهد صبرك عسى الله يجزاك
هذي ترى الدنيا سلومه عجيبه
موت وحياة وكل مكتوب ينصاك
سنة ولي العرش ما هي غريبه
مرحوم يا اللي للنواشيب فكاك
حلال عسرات الأمور العصيبه
مرحوم يا للي تبذل الجود يمناك
عساك في جنات خلد عشيبه
بالجود والمعروف معروفه خطاك
قرم ولابه بالملا من يعيبه
عز الله أن الشعب يا أمير ينعاك
بقلوبهم يا أحمد شباب ومشيبه
يا الله عسى الجنة مقرك ومثواك
عساك بالجنة من الله وهيبه
لو الفدي ينفع فلاشك نفداك
بارواحنا ما فيه شك وريبه
والختم صلوا عد دورات الأفلاك
على محمد عد من زار طيبه
