يا خادم البيتين تسلم عيونك
نور البلاد وتاج لاهله وسوره
من كل سوّ الله بحفظه يصونك
الوقت جعل الله يعدي شروره
تسلم لشعب ما يخالف ظنونك
لك فدوة من كل باس وخطوره
تبقى لمن ضاقت عليهم يجونك
وليا انكفوا كلٍّ بوجهه سروره
ليا غبت عنهم كلهم يفقدونك
رجل السلام وفاهم كل دوره
درع الوطن كل العرب يرتجونك
رجوى البدو للغيث من عقب بوره
وقت الشدايد والغضب يقصدونك
كل أبلج ينخاك وقت الضروره
ليا صعبت القالات جو ينتخونك
ما مثل أبو فيصل برايه وشوره
ولحل صعبات العضل يرتضونك
وتنهض كرم والشر تقطع جذوره
حكيم رايك والملأ يشكرونك
موثق جهدك بصوت وصوره
الثقل دايم ينقلنه متونك
اليا من كلٍّ راغ واعلن فتوره
ثاقب نظر بصير بأمرك وشونك
وعلى دهاك مسندٍ بأخو نوره
من مدرسة صقر الجزيرة فنونك
والدهر خلَّى بك جلاده بجوره
الله يخون اللي بعهده يخونك
يالصارم اللي وافيات شبوره
يا خادم البيتين تسلم عيونك
نور الوطن والشعب واللي يزوره
