لا باس ياقايد مسيرة وطنا
لاباس ياراع الوفاء والشهامة
لا باس ياللي شايل الحمل عنا
لا باس ياشيخٍ رفيع مقامه
يا خادم البيتين لك حب منا
لك شعبك الوافي يزيد احترامه
بشرى الفحوص الناجحة فرحنا
اضفت على كل الوجيه ابتسامه
وبيت الفرح في كل حيٍ يبنا
من الساحل الشرقي لغربي تهامه
وكل الشعوب المسلمه لك تمنا
ياقائد الأمة مزيد السلامه
عساك في دنياك دايم تهنا
هذا مني شعبك وغاية مرامه
يابو اليتامى والضعيف المجنا
ياعون من هاشه زمانه وضامه
لسياستك كل الدول يشهدنا
تشهد لابو فيصل بعرف وفهامه
ومواقفك بالخير ما ينحصنّا
سجل لها التاريخ أكبر علامه
يا ما لفعل الخير ايديك انفقنا
رجل السلام اللي تسلم وسامه
وعداد ورقٍ فوق الاغصان غنا
وعداد من صلى وكمل صيامه
صلوا على اللي في هذاه استعنا
شفيع الأمة في نهار القيامة
