عمت زغاريد الفرح بالمملكة شرق وشمال
وتباشرت دار الحرم يوم ان قايدها سليم
بنجد العذيه والحجاز بطلتك هل الهلال
وعيون شعبك كلها تفدى عيونك ياعظيم
لعين الفهد عاد النظر وبدارنا صار احتفال
عسى الفرح ياسيدي يبقى بعزك مستديم
ذخر العروبة كلها.. بالحق ما تقبل جدال
سور الجزيرة والحرم.. فهد الزعيم بن الزعيم
تأمن حدود المملكة بحماك يانزه الخصال
تسلم لشعب يعشقك ويطول عمرك ياكريم
عون الضعيف إلى شكى وسناد جارك بالهوال
دايم تحل المعضلة بالعزم والراي الحكيم
خيرك على كل الوطن.. بالجود يدّينك طوال
واللي يضايقه الخطر يزبنك يا لحر العديم
ولأمن شعبك دايمٍ تسهر على طولالليال
الله يديمك للعروبة عز ياعوق الخصيم
ابوٍ لشعبك يا فهد بالحق ماهبت المحال
ولك الغلا كل الغلا بقلوبنا والله عليم
ولك الولا كل الولا.. حقيقةٍ ماهي خيال
وتسلم لنا يا ذخرنا.. يا مجدّد المجد القديم
