ألا يابو فهد أصبر ولا تجزع من الأقدار
عظيم الأجر للصابر وربي يجبر مصابه
مثل ما أخبر المعصوم وحدث راوي الأخبار
لك الجنه وتلقاهم يحيونك على ابوابه
سبقكم للجنان وكان دوم يسابق الأبرار
يعرف الواجب بدينه وحق المال ونصابه
يوحد ربه المعبود ويخشى نقمة الجبار
يقيم الفرض يصون العرض يطوف البيت ويسعابه
بإذن الله وبالرحمه وباعماله علن واسرار
وبايمان سكن قلبه له الجنه ويرضابه
عسى الله ينزل الرحمه وتملأ قبره الأنوار
ويزهر من رضى ربي عليه القبر وترابه
عسى يمنى بها كان العطا والخير به مدرار
بها يعطى من الرحمن يوم المحشر كتابه
عساه بجنة الفردوس تجري تحتها الأنهار
وينعم بالقصور الخالده فيها ويهنابه
كفاه إن الملا كانوا يعدونه من الأخيار
شهود الله في أرضه وهو يعلم وأدرى به
فقدناه وفقدنا بغيبته واحد من الأقمار
ولكن نوره بيبقى برغم البعد وغيابه
فقدنا فارس الإعلام وفارس داخل المضمار
فقدنا سيف مجرد بعد ما عاد لجرابه
رحل أحمد ابن سلمان وقبله فهد أخوه البار
ولا دارت سنة فقده ولا اظلم نور مغرابه
أحس بلوعتك يابو فهد وبلوعة أهل الدار
من اخوانه وأولاده وأم وزوجه ولابه
ولابه من عزا غير بوفاة المصطفى المختار
عسى الله فيه يجمعنا وبآل البيت واصحابه
