بعد ما قيل بالأخبار بيانٍ من الدّيوان
مصيبه والمصيبه يالله المعبود هوّنها
فنحنُ مؤمنين بما قضى القاضي عظيم الشّان
جميع أقدار خلقه ربّنا العالي مدوّنها
وهذي حالة الدنيا «وكُلُ اللي عليها فان»
يموتون الخلايق والبقاء للّي مكوّنها
عظيم الحزن بفراق الأمير أحمد بن سلمان
عسى روحه عظيم الشّان بالفردوس يسكنها
رحيله فجّر العبرات واللّوعات والأحزان
دموع الحزن تذرف من عيون اللي محزّنها
أهل الدّمع واجهش بالبُكاء واسهر مع السّهران
واقول إن اللّيالي مابها شيءٍ يزيّنها
عسى الله يرحم اللي في بروج المجد له ميدان
نجل من حبّته كل الخلايق في مساكنها
نجل سلمان بن عبدالعزيز الحاكم السّلطان
أميرٍ سطّر التّاريخ وقفاته ودوّنها
عسى الله يلهمه باحمد جزيل الصّبر والسّلوان
وعسى الله يجزل أجره والمصايب يبعده عنها
دموعك مع دموع أحزاننا ياسيّدي سلمان
على فرقاً حزينه كل مخلوقٍ بكى منها
ياربي ترحم أحمد ياعظيم الشّان يارحمان
بجاه آياتك اللي يالله العالي مبيّنها
