كِلّ العزى لك مِنْ يامِير سلمان
عزاك وآل إسعود والشعب مجبور
برمز الوفا والجود والخير وإحسان
أحمد مشى مع درب للخلق ماثور
لاهنت منت اللي ذرف دمع الأعيان
أحمد بكوه أيتامها وضِعفة الدُور
يالله عساه بجنة الخلد سكّان
متنعمٍ فيها له الذنب مغفور
دبرة ولي العرش علاَّم ما كان
الحي يدله والقدر عنه مستور
راضين حكم اللي ملك روح الإنسان
كل من عليها إبحكمة الرب مامُور
أمر إبصبرٍ فيه تفريج الأحزان
واللي صبر مع طاعة الرب ماجور
وياموت حزنك خففه زود الإيمان
وما دمت بأمر الرب يا موت معذور
أطفال شِلْت وشلْت شيبٍ وشبَّان
للحي حدد يوم ميِّت ومقبور
ولولاك بأمر الرب لك قلت غلطان
أخذت من كفه على الطيب مفطور
أحمد بن سلمان للطيب عنوان
يبقى شبيه إطويق لو غاب مشهور
لا شك حزنك ما يجي قلب سلمان
بالدين ثم الجود والطيب معمور
مالك مكان وقلب سلمان مليان
بآيات من نزل تبارك مع النور
وإختامها يامير من قلب وإلسان
عزاك وآل إسعود والشعب مجبور
