سافر يعزي.. ما درى ان العزا فيه
ومنهو يعزينا بعد موت سلطان
عيا القدر عيا القدر لا يخليه
إرادة الله ما لنا غير الإذعان
عسى الولي بجنة الخلد يجزيه
آمين ثم آمين من قلب ولسان
يا رب صبر كل قلبٍ يناجيه
واجبر عزا غاليه.. يا عالي الشان
الطيّب اللي مثل سلطان نبكيه
اللّه يجزي راعي الطيب باحسان
الطيّب اللي مثل سلطان نغليه
لو غاب عنا ما لنا عنه سلوان
الجود طبعه والتواضع مباديه
انسان عاش ومات يا نعم الانسان
الوافي اللي بالوفا ما نوفيّه
والصادق اللي للمواجيب عنوان
الخير في وجهه يهلي بناصيه
يا ما بفزعاته مسح دمع الاحزان
لو مات ابو خالد فلا مات طاريه
ولا ينّسا مثله على مر الازمان
يكفيك فعله فالمواقف.. ويكفيه
انك الا ضاقت.. تذكرت سلطان
