يا نجد ساس المجد لك حق تبكين
الله يلوم اللي يلومك بما كان
ضيفٍ لفاك ومنك قفّا.. بغالين
ومعك بكت في فقدهم كل الأوطان
العام جرح وذا السنة صار جرحين
ماظنتي تبرى على مر الازمان
خيّم سواد يدمي القلب والعين
لك العزاء يا نجد «ف» عيال سلمان
بغياب فهد العام كنتي تنوحين
واليوم احمد نسل ذربين الايمان
أحمد بكوه اللي بدار المسنين
وبكوه ناسٍ عاشوا العمر يتمان
بحرٍ على ساحله عاشوا عزيزين
على ضفافه ودعوا كل.. الاحزان
له ساحل كلّه ورود ..ورياحين
وفأعماق جسمه كنز لولو ومرجان
احمد سليل المجد نسل السلاطين
له في سنام المجد مركز وميدان
للجود بمحياه.. رمز وعناوين
عطّر حياته كلها..بر..واحسان
ويالله يا منزل تبارك وياسين
تكتب لهم بنهاية الدرب غفران
ويا نجد عزينّا على فقد غالين
ولك العزاء يا نجد «ف» عيال سلمان
