ياشين هذا الخبر ياشين الاعلان
عبر الهواء والجريدة والمجله
خبر وفاة الامير أحمد بليهان
في يوم الاثنين منا الموت سله
الله يجبر عزى الامير سلمان
والاسرة المالكة والشعب كله
ف أحمد فقيد الوطن والجاه والشان
والخيل والخير يانعم الجبله
العمر محسوب مكتوبٍ للانسان
أجله وعمره ورزقه في سجله
مرحوم يامن توارى بين الاكفان
مرحوم يامن قبيله ما يمله
البذل والفضل والرحمه والاحسان
والعطف واللي يبي جوده يدله
والصدق والحلم والنخوة والايمان
هذي صفاته عسى الجنه محله
في مثل هذا الشهر يبكن الاعيان
العام ننعى فهد والأمر لله
لكن جعل البقا في راس سلمان
جعل المنايا تعداه وتزله
