أحسن الله عزاكم يا صقور الجزيره
يا الله يا المعبود يا عالي الشان
تجبر عزا راع الفعول الشهيرة
تبكي عيون الشعب لعيون سلمان
وحزنه على أحمد عم كل الجزيره
أنا اشهد ان قلبه مليٍ بالإيمان
اللي تحمل بالظروف العسيره
والله ما يصبر مثل صبره إنسان
اللي رضى بالموت يصبح خشيره
لو الحزن والهم في خاطره بان
راضي بحكم الله.. شره وخيره
يا سيدي هنالك عيال واخوان
والآدمي يا شيخ هذا مصيره
هذا النبي الهاشمي سيد عدنان
حزنه على القاسم لفا فيه سيره
والموت لو جيشه كتايب وفرسان
نفداك دونه بالسيوف الشطيره
لكن ملك مرسول للروح ديّان
يقبض لروح العبد ما يستشيره
وأحمد عسى مثواه جنه وغفران
والله بلطفه عن عذابه يجيره
اللي رعت كفه لارامل ويتمان
فضله عليهم ما درابه وزيره
ويا سيدي ماجور من قلب ولسان
أقولها عن حرب في كل ديره
