يا شين علمٍ بالإذاعات ذاعوه
علم مع الأخبار صدر بيانه
لا والله إلا موحش العلم قالوه
قالوه كامل موصلين الأمانة
مرحوم يا ميراً بالأخبار ينعوه
بين النجوم اليوم خالٍ مكانه
بالعود من تحت الثرى يوم واروه
وسط اللحد صكوا عليه أللبانه
مرحوم يا للي باسم الأمجاد سموه
أحمد حميد الرأي طيب ورزانه
الدمع ما يرجع فقيدا إلى أبوه
والموت حق ولا لحيٍ.. ضمانه
نبكي عليه وكل الأشبال يبكوه
ننعاه لو هو ميت في كفانه
لو البكاء في حق الإسلام مكروه
دمع الأسى يصعب علينا كتمانه
قدره كبير ومن يعرفوه حبوه
غطى على من يرتجي له إحسانه
جعل السحاب اللي من الغرب خالوه
يمطر على قبرٍ سكن بن بنانه
يا سيدي سلمان لا يمسك مشبوه
بالأشقر اللي ما وطى بالطمأنه
يجبر عزاك اللي جبر بك على أخوه
والمؤمن الصابر كبير امتحانه
أصبر وما قدمت لله تلقوه
يجبر عزاك الله ويجبر عزانه
تغاب عنا وجوه ووجوه ووجوه
وبعض الملا يا غاب فرجه مكانه
والموت حق وكل خلقه يمروه
وحنا عيالك والبقاء في أخوانه
