معذور أنا لك لو تنازلت بالروح
لك يا هوى روحي وسرّ ارتياحي
لك خافقي بالطول والعرض مفتوح
يا غايتي من بدّ كل الملاحي
عمري بدونك كله أوهام وشبوح
ومع جيتك عاد الهنا وانشراحي
داويت ما فيني من آلام وجروح
وحبك على صدري وسام ووشاحي
أنت الجسد والعين والقلب والروح
وأنت الوحيد اللي لك السد باحي
زال الغمام وصار شوفي لك وضوح
قدام عيني في مساي وصباحي
ما عاد لي في غيرك اليوم مصلوح
يجتاحني صادق غلاك اجتياحي
أنا أشهد أني قبل لقياك مذبوح
وساعة لقاك الكون.. بالعطر فاحي
حبك بقى.. والغير منسي.. ومزيوح
أسعدت قلبي من جميع النواحي
