ليت الوداع اللي يسمونه فراق
تنساني جروحه وأغير عذابه
وأعيش مثل الناس وأبل الأرماق
والنفس تلقى بالحياة الرحابه
ينطاق صبر.. وصبر ما عاد ينطاق
واصعب سؤال يموت ماله إجابه
والشمس تحرق لو طلع نورها إشراق
والليل يوحي بالحزن والكآبة
والنار تلعب لعبها وسط الأعماق
تسوفها سوف الولد للربابه
والحب وين الحب يقبل وينذاق
عشان لا شفناه قلنا هلابه
أنا أشهد أنه راح مرواح طراق
مر وتقهوى والطعام بزهابه
آخر علومه مرني طيف وأشواق
وبعيد عني لو بغيت القرابه
بجامل الدنيا عسى الخير ينساق
ما دام عمري ما تعدى شبابه
وأخايل المزنة إذا شفت براق
يمكن سحاب الوسم يسقي هضابه
