يا للأسف عقب انتهى الوقت بانت
بانت خوافي صورةٍ لك تخفت
كم كنت ازينها وكم قلت زانت
وكم كنت أبروزها وكم قلت وفت
أكذب على نفسي وقول استزانت
كم غير الرسام صورة ولفت
ياما مع التفكير فيك انت كانت
وياما مع الهوجاس صورتك كفت
ياما سكنت ولك ضلوعي تحانت
من كبر مالك كامل القلب ضفت
وياما شكيتك دنيتي عقب شانت
وياما لتعذيبي بغيتك تلفت
هو ليه قل لي باصعب الوقت لانت
شمعتك عندي بآخر الوقت طفت
قلت البلاء نظرات عيني توانت
وإثر البلاء صورتك عندي توفت
حاولت أغيِّر ما قدرته وحانت
لحظة وداع ودمعة العين جفت
