مرحوم يا حبٍ لفَّته المقادير
حبٍ تقدَّر بأمر رب البرية
حبٍ عليم الله كله تباشير
حبٍ دفنته بأرض نجد العذيه
حبٍ على درب الشرف له تناوير
ما سقت رجلي فيه صوب الردية
حبٍ يعجز كايدات التعابير
ما ينوصف لو قلت هذا وذيه
يا الله يا اللي تامر السحب وتسير
يا واحد يعلم خفى كل نيِّه
بحماك عن ضيم الليال المدابير
وبحماك عن حظٍ تعزوى عليه
عزيت نفسي عن جميع الغنادير
عزيتها عن كل ما قيل ليه
هذا وأنا مالي بذكر المخاسير
لا شك حدتني عليه الخطيه
