يا اللي تسافر للسفر وش يحدك
دامك سليم العقل والراس صاحي
لو لك عمل مجبرك ما قمت ضدك
مار البلاوي من جميع النواحي
ان قلت سايح قلت لك وش يردك
خلك بدارٍ تشتهر بالصلاحي
فيها السياحة ما تعديك حدك
تربطك في دينك وباهل الفلاحي
دارٍ ربت خالك وعمك وجدك
ما صار فيها للفساد انفتاحي
هذا وطنا يرتجيك ويمدك
دايم يحقق لك طريق النجاحي
ماهيب دارٍ تبتليك وتصدك
دارٍ خبيثه تستحق الكفاحي
ما غير تعرض كل مغري يشدك
وتبيح شئٍ للاسف ما يباحي
تبلاك في شرٍ بلحظة يهدك
وتصبح فريسة ليل والا صباحي
والى تبين علم بيحت سدك
كم واحدٍ سده مع الناس باحي
وش ينفعك لو قمت تلطم بخدك
الى تمكن فيك سمٍ ذحاحي
واختام قول اللي يبيك ويودك
قبل تصافق بك هبوب الرياحي
اثبت على دينك وكلٍ يعدك
عاقل ودينك يعتبر لك سلاحي
