يقول ابن معلث تمثل بفاطره
دليل الى غابت نجوم الدلايل
دليل كان الليل غابت نجومه
لادلبحن سبع النجوم الاوايل
اسري سلمتي من رواتيم الحصى
لا كنهب الهلباج والليل طايل
تصبر على مسراي لوهي وحيده
ولا يقطع الفرجه عزوم هزايل
خطو الولد متبجح عند عشقته
ما غاب عنها لو ليال قلايل
ما شاف ربع له يدورون الردى
يا عبيد قوم حطوا الحق مايل
انا الى حطيت رجلي بكورها
ماني عن الدو الخلاوي مسايل
لاعاد ما نمشي على عز روسنا
لاحط روحي من سمار الحلايل
البارحه يا عبيد من حزة العشا
والعين ماللنوم عنها مسايل
الى عذلت العين للنوم عيت
سهرت يوم انه تنام القبايل
هني دحش نايم طول ليله
ما سدته نوم الصفر والقوايل
الصبر ما ينفع الى جاك قاله
لا عاد ما تضرب بحد السلايل
ما ينطح القالات يا كود غلمه
تصبر على شيل الحمول الثقايل
مادق في هرج النقيلي بينهم
صافين ما تلقا بهم قول قايل
