يا صاحبي لك داخل القلب مقدار
فوق الخيال وفوق معنى المحبة
طاغي ولا يمكن يقدر بمعيار
يطغى على كل المعايير حبه
جرحتني بالعين يا قبلة الدار
واضحت جروحي في خفوقي مغبة
يا بو عيونٍ سود ترمي بالاخطار
منها لبيب العقل يحتار لبه
لا جيت اوصِّف منظر الحسن بأشعار
اعجز لاعبر عن جماله واكبه
ياما كتمت الشوق كني على نار
وياما غرامك وسط قلبي لعب به
ياما تمنيتك معي وقت الاسحار
لا ناموا الحساد واهل المسبة
واليوم قررت اعترف لك بما صار
علك تروف وترحم اللي تحبه
وان كنت تدري بالخوافي والاسرار
كب التغلي عنك يا زين كبه
مما حصل لي بالهوى صرت محتار
كيف الجروح تصير للود سبة
