نشرنا في عدد الأسبوع الماضي لغزاً كتبه الشاعر محمد بن حمد البدر من محافظة الزلفي وكان نصه:
انشدك عن رجل بوصفه غريبي راسه ورا الزلفي مغطى ومدفون ورجله ورا وادي الدواسر تغيبي وما بينهن باقيه ياللي تعرفون |
وقد وصلتنا عشرات الحلول كعادة قراء «الجزيرة» الأوفياء في تفاعلهم مع كل ما يطرح على صفحاتها وبعد الفرز اكتملت شروط النشر في الحلول التالية:
يابو حمد نظمت لغز عجيبي والى بغيت الحل حاضر وممنون طويق صوحه لانويته صعيبي ماكر شياهين الهدد كان تدرون |
ابراهيم تركي المقبل جنوبية سدير
قريت لغز بالجزيرة عجيبي ولقيت حله واضح مايبي لون هذي جبال طويق من دون ريبي ياكثر ماناس عليها يمرون |
غازي بن عجاب ابو زوايد الأسياح
عد البدر ما لاح عقب المغيبي يامرحبا والبدر يسفر به الكون وانا اشهد انك يارفيقي مصيبي يومك وصفت «طويق» والوصف موزون |
عطا الله بن سليمان العطا الله الزلفي
ياكبر ذاك الرجل شكله عجيبي وصفه غريب يامحمد ومجنون لكن ظني كان ظني يصيبي ماغير ضلع طويق وصفت بالكون |
زياد زيد البقمي الرياض
يابو حمد لعل حلي يصيبي يا اهل الجزيرة ودوا العلم تكفون حله تراه اطويق مافيه ريبي هذا جواب اللغز لو كان تخفون |
علي رشيد الرشيد رياض الخبراء
هذا جواب اللغز ماهو صعيبي مني جوابه وارسل الرد ممنون اقول ضلع طويق جعلي مصيبي له شهرة ومعروف والناس يدرون |
محمد بن عبدالعزيز الخنيفر أشيقر
قريب لعزك يالحبيب اللبيبي ويا مرحبا بك عد ناس يصلون واللغز يا بو رياض ماهو صعيبي وحله «جبال طويق» والحل مضمون |
خالد بن سليمان العطا الله الزلفي
محمد سبق بالطيب نوفيه طيبي يا اهل الوفا في ردة الطيب عينون راسين مثل اطويق عن كل عيبي من لاذ به بعد الولي لاذ بحصون |
فهد بن عقيل الطويان بريده
ريح الشذا غطى على كل طيبي وصوت الوفا غنى طواريق ولحون ياصف غلا اللي غادي له ذهيبي ويخيل رجم في ذرا «طويق» مصيون |
فهد الجروان الزلفي
