راجع وانا قلبي من العام مجروح
راجع تبي نسيان ما فات وياك
راجع وعينك تذرف الدمع مسفوح
وفر دموعك ما بقي غير ذكراك
ان جيت ولا رحت ما اشوف مصلوح
ريح ضميرك وابتعد ما فقدناك
العام قلبي ما شكى الجرح مذبوح
يرجي وصالك منيته يوم لقياك
واليوم مالك منزل داخل الروح
مات الغلا من يوم غرتك دنياك
قلبي لقى غيرك مع الناس مملوح
ما هوب يرخص من شرا الحب شرواك
ابعد وباب للغلا كان مفتوح
بيديك هديت الغلا من سواياك
مسموح ترحل عن حياتي وانا اروح
جرب ترى الدنيا بها دورة افلاك
خلن اعيش افراح وتعيش بالنوح
وتذوق ما ذقته من اسباب يمناك
