يقول الجميلي والجميلي فيصل
والراس من لوي العمايم باد
يبيد الفتى ما بين يوم وليله
العمر ينقص والايام تزاد
الايام بادني وبادن هجرس
وشداد بادنه وبادن عاد
نهاره وليله ذا لهذا طروده
غدن بلذاتي وهن اجداد
محا الله يا صبيان مخلي قلوصه
من العقل ولا باليدين قياد
محا الله قيد غرني من زمالتي
مناين واترى حدا المناين باد
تناوشتها وانا من الموت خايف
والى ان خطاها من خطاي بعاد
انا سبب قتلي على الما حمامه
مخضبة ورقا ربوة واد
انا كل ما خايلت بالعين مربع
الى انه قبلي للرجال مراد
الى قلت هذا مربع ما يجونه
الى ذيك اثرهم درس وجداد
انا صادر علقت دلوي بمنكبي
وخليتها للي يطول الماد
وان كانت الدنيا مثلها لنا
عزي لكم ياللي لها وراد
وان مت حطوني على جال منهل
عذي الجبا دب الليال ايراد
وحطوا على قبري ثمان الصفايح
يبيد الدهر ورسومهم ما باد
باغي إلى مرت عليه ضعاين
ضعاين واهلهن قاصدين بلاد
يقولون راعي القبر ياما من الصخى
وراعي الصخى دب الزمان يعاد
