Thursday 4th July,200210871العددالخميس 23 ,ربيع الثاني 1423

     أول صحيفة سعودية تصدرعلى شبكة الانترنت

 

الجدي وسهيل الجدي وسهيل



قالوا علامك «بالنشر» صاير.. ابخيل
مالك سوى.. ماتنشره.. «بالجزيرة»..!
ماكن فيه «بهاالبلد» غير.. هاالخيل..!!
وغير الجزيره مالك أية مسيره
ان كان ما تعرف طريق.. ومداخيل
أمس وندلك يا صبي العشيره
ناس تحطك فوق للجدي.. وسهيل
في مقدمات للمشاهد.. تثيره
ومع كل بيت وبيت يبهرك.. تحليل
وصورتك مع كل الجوانب.. نثيره
حنا علاقتنا بناس.. حلاحيل
لهم بتسويق «المجله».. بريره
واللي على «تراث الآباء» ياتساهيل..!!
ما يعرفون الشعر وايضا.. شعيره
قلت: الشرف «بمشاركه» ترفع الكيل
عند الرجال أهل العقول البصيره
تسوى جميع امشاركات.. المداخيل
اللي تطبل له نفوس.. حقيره
ولا ينفع «الغلطان» كثر.. التباجيل
لو صفقوا له «زيف» ناس كثيره
واللي يهمه يصعد الجدي وسهيل
شوري عليه يراسل أهل.. الجزيره

محمد المويعزي بريدة

 

[للاتصال بنا][الإعلانات][الاشتراكات][الأرشيف][الجزيرة]
توجه جميع المراسلات التحريرية والصحفية الىchief@al-jazirah.com عناية رئيس التحرير
توجه جميع المراسلات الفنية الىadmin@al-jazirah.com عناية مدير وحدة الانترنت
Copyright, 1997 - 2002 Al-Jazirah Corporation. All rights reserved