ابكتبك وهمٍ على روس كثبان
وابرسمك نهرٍ غرقت بضفافه
يا زارع حقول العطا خوف وأحزان
الحقد ما بينك وبينه مسافة
ما شانك أرخصت أطيب الناس يا فلان
يا ضيف قلبي ما حترمت الضيافة
يا كحل رمش العين عافتك الأجفان
ومن ما حترم شاريه يسهل عيافه
كيف انخدعت وصغت بك عذب الألحان
وأبديت لك كل الغلا واللطافة
وحطيت لك في داخل الروح مسكان
واليوم صرت أبكي دموع الحسافه
زولك وشكلك غرني كنت غلطان
والشاعر أصعب ما يكون اعترافه
كنت أحسب أنك صافي الود فنان
الحب محدٍ يستطيع احترافه
