أبعد عن التكرار يا شاعر اليوم
ما قيل قبلك فانتبه لا تقوله
ما انته على مافات مجبر وملزوم
ترى الترفع من صفاة الرجوله
من قمة الابداع ما انته بمحروم
بالعزم تقدر كل طايل تطوله
بحر المعاني ماله حدود ورسوم
ابحث عن المعنى يجيك بسهوله
بنات فكرك خلها تبعد الحوم
تعبر فضاء الابداع عرضه وطوله
وليا بذلت الجهد مانته بمليوم
عنك الملام مشطرٍ ما انت حوله
ترى التقاعس بالعمل شي مذموم
ولا يدرك الطولات ناس كسوله
والشعر فن.. وذوق.. واداب وسلوم
يامن تجاه الشعر رغبة ميوله
وايضا ابتكار افكار.. وايضاح مفهوم
عن شي تفكيرك حلم في وصوله
وان قلت ما قالوا سواليف وعلوم
تنقدك نقاد الشعر لافطنوله
نصيحتي تنصاك يا شاعر اليوم
لله ما دور وراها عموله
