قلبي يحب اللي هجاجٍ محياه
ان جيتله وان جالنا مانملّه
أدله معه لعل الانذال تفداه
وأجامله باللي يوده رضاً له
وإن زل ماكن الاذاني توحاه
اصفح وكني منه ما اوحيت زله
منه الوفا يبنا على طيب مبداه
طيّب ومشواره نظيفٍ اسجلّه
والا الردي ودك تروح وتعداه
بعده رضا نفسك وبعدك رضاً له
حيث الردي تقصر عن الطيب يمناه
لوجاد نيات الردا عودة له
دايم عن الجودا وناياً مطاياه
وليا عقد رايه حليله يفله
هذا هو اللي يفرح الصدر فرقاه
وقربه على الطيب عياب ومذلّه
من عاش بالدنيا لقا ماذكرناه
دنياً تبين واضحات الادلّه
يقوله اللي جرب الوقت واكفاه
وشاف العجائب بارتحاله وحلّه
وصلاة ربي عدنوٍ نثرماه
على نبيٍ وضح الدين كلّه
